Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 13-1} ceru miku ciṉa vēntaṉ civantu iṟutta pulam pōla
• {KALI 13-2} eri mēynta kari vaṟal vāy pukavu kāṇā āy
• {KALI 13-3} pori malarntaṉṉa poṟiya maṭa māṉ
• {KALI 13-4} tiri maruppu ēṟoṭu tēr aṟaṟku ōṭa
• {KALI 13-5} maral cāya malai vempa manti uyaṅka
• {KALI 13-6} ural pōl aṭiya uṭampu uyaṅku yāṉai
• {KALI 13-7} ūṟu nīr aṭaṅkaliṉ uṇ kayam kāṇātu
• {KALI 13-8} cēṟu cuvaittu tam cel uyir tāṅkum
• {KALI 13-9} puyal tuḷi māṟiya pōkku aru ve curam
• {KALI 13-10} el vaḷai emmoṭu nī variṉ yāḻa niṉ
• {KALI 13-11} mel iyal mēvanta cīṟu aṭi tāmarai
• {KALI 13-12} alli cēr āy itaḻ arakku tōyntavai pōla
• {KALI 13-13} kal uṟiṉ a aṭi kaṟukkuna alla ō
• {KALI 13-14} nalampeṟu cuṭar nutāl emmoṭu nī variṉ
• {KALI 13-15} ilaṅku māṇ avir tūvi aṉṉa mel cēkkai uḷ
• {KALI 13-16} tulaṅku māṉ mēl ūrti tuyil ēṟpāy maṟṟu āṇṭai
• {KALI 13-17} vilaṅku māṉ kural kēṭpiṉ veruvuvai allai ō
• {KALI 13-18} kiḷi purai kiḷaviyāy emmoṭu nī variṉ
• {KALI 13-19} taḷi poḻi taḷir aṉṉa eḻil mēṉi takai vāṭa
• {KALI 13-20} muḷi aril pottiya muḻaṅku aḻal iṭai pōḻnta
• {KALI 13-21} vaḷi uṟiṉ a eḻil vāṭuvai allai ō
• {KALI 13-22} eṉa āṅku
• {KALI 13-23} aṉaiyavai kātalar kūṟaliṉ viṉai vayiṉ
• {KALI 13-24} pirikuvar eṉa peritu aḻiyāti tiripu uṟīi
• {KALI 13-25} kaṭum kurai arumaiya kāṭu eṉiṉ allatu
• {KALI 13-26} koṭum kuḻāy tuṟakkunar allar
• {KALI 13-27} naṭuṅkutal kāṇmār nakai kuṟittaṉar ē